Rreth orës 01:05 në statcionin e Policisë në Ferizaj kishte ardhur një informatë se në një lokal janë duke u zhvilluar lojëra të fatit.

Policia menjëherë ka dalë në vendin e ngjarjes duke arrestuar kështu  8 persona, po ashtu ka konfiskuar edhe 405 qipa që konvertohen në shuma të caktuara të parave gjatë zvillimit të lojës, 4 palë letra që përdoren për të luajtur bixhoz dhe një fletore ku po e përdornin për të shënuar aktivitetin gjatë lojës.

Të njëjtit më pas janë dërguar në mbajtje.

Njoftimi i plotë nga Policia:

“Sot, në  orët e hershme të  mëgjesit  rreth orës  01:05, Policia Rajonale e Ferizajt ka pranuar një informacion inteligjent, se në një  lokal në fshatin Kosinë të Ferizajt, dyshohet se disa persona janë duke zhvilluar aktivitet joligjorë, duke luajtur bixhoz.

Njësitet reaguese dhe hetuesit e stacionit policor të Ferizajt, menjëherë  ju kanë përgjigjur këtij informacioni dhe kanë identifikuar lokalin e dyshuar,  ku aty kanë hasur tetë (8) persona duke luajtur bixhoz.

Me këtë rast, policia ka marrë veprimet e duhura hetimore, duke bërë fotografimin si dëshmi materiale, të 405 qipave që konvertohen në shuma të caktuara të parave gjatë lojës, 7 palë  të letrave që janë përdorur për të luajtur bixhoz,  poashtu një fletore që të dyshuarit ishin duke e perdorur për të shënuar aktivitetin e tyre gjatë kësaj loje të paligjeshme, të cilat janë konfiskuar.

Pasi janë kontrolluar personat e dyshuar, të njëjtit janë arrestuar dhe janë shoqëruar në stacionin policor në Ferizaj.

Pas intervistimit nga policët e Njësisë  së  Hetimeve, me vendim të Prokurorit nga Prokuroria Themelore në Ferizaj, të  gjithë  personat e dyshuar , meshkuj , kosovarë  me inicialet (J.S 23 vjecar, A.I 25 vjecar, B.I 33 vejacar, A.T 28 vjecar , A.B 34 vjecar,M.R 51 vjecar,R.M 33 vjecar dhe S.M 38 vjecar), janë derguar në mbajtje për 48 orë, për procedura të mëtejme hetimore.”/arbresh.info/